Lan Taldea

Viviana Dal Pont

Managing Director. Gurasoak italiarrak ditut, eta Luzerna hiri ederrean jaio nintzen (Suitzan); han hazi eta hezi nintzen. Betidanik izan ditut bi pasio: hizkuntzak eta pertsonak. Horregatik trebatu nintzen eta jarraitzen dut trebatzen alor horietan. Giza baliabideen kudeaketan eta enpresen zuzendaritzan eta psikologian (analisi transakzionala) aditua naiz. Alemanez, italieraz, gaztelaniaz, ingelesez eta frantsesez dakit, eta 1999tik bizi naiz Euskadin. KOMA taldearen sortzailea naiz; gaur egun, 5 enpresak osatzen dute, eta 20 nazionalitatetako 240 langile ditu. Enpresan dudan zereginak asko bidaiatzeko aukera ematen dit, eta hartara behartzen nau, eta pozik egiten dut, aukera ematen baitit nire erro batzuekin eta besteekin harremanetan jarraitzeko. Nire denbora librean —ez daukat asko horretatik—, mundua, kulturak eta gastronomia ezagutzen saiatzen naiz. Musikak eta liburu on batek ere erlaxatu egiten naute, eta ondo sentiarazten naute, nire txakurrarekin paseatzeak bezala.

Gaizka Ortega

Arespalditzan jaio eta hazi nintzen, ozta-ozta 300 biztanle dituen herri txiki batean, Aiarako ibarraren erdian. Mendiak eta bazter ederrak nituen inguruan, eta txikitatik izan diet begirunea naturari eta animaliei. Publizitatea eta Harreman Publikoak ikasi nituen, eta, geroago, Lanbide Heziketako irakasle-titulua lortu nuen.
Lan-ibilbide osoa lantaldeen kudeaketaren eta salmenten alorrean egin dut, eta aukera izan dut sektore konplexu eta askotarikoetan lan egiteko: telekomunikazioak, giza baliabideak, industria-kalitatea… Musikari amateurra naiz, eta atsegin ditut plazer xumeak, hala nola liburu edo komiki on bat, disko on bat, edo bide eta basoetan zeharreko running-saio bat.

Katja Arnold

Katja Arnold

Project Manager. Alemanian jaio nintzen, baina nire bizitzaren zatirik handiena Bilbon eman dut, Madrilen eta Bartzelonan bizi izan nintzen zenbait urte salbu. Kazetaritzan lizentziaduna naiz, eta, nahiz eta ez dudan inoiz horretan profesionalki jardun, komunikazioarekin zerikusia duen guztia interesatzen zait. Nire lan-bizitzan, urteak eman nituen lanpostu administratiboetan lanean, bai eta gaztelania-irakasle gisa eta itzultzaile gisa ere. 2016tik nago Koman. Nire denbora librean, asko gustatzen zait filmak ikustea, irakurtzea eta ardo-kopa on batez gozatzea.

Oscar Elejalde

Oscar Elejalde

KomaGroupeko Finantza eta Administrazio zuzendaria, Nazioarteko Ekonomian eta Garapenean espezializatutako ekonomialari kolegiatua, Espainiako multinazionalek Amerikan eta Asian dituzten ordezkaritzetan CFO gisa aritua. Ekonomia- eta finantza-esparruetan gertaerak aurreikustea dut helburu, eta ez iraganeko datuak interpretatzea bakarrik. Bidaizalea naiz, eta beste perstonak ezagutzea gustatzen zait, baita literaturaren eta arte plastikoaren bilakaeraren bidez ere, munduko edozein leku ezagutzea. Lidergo partekatuarekiko maitasunez, taldeko kideek konpromisoa, anbizioa edo balioa sortzea bezalako trebetasunak garatu ditzaketen agertokietan. Itxaropen handikoa eta kuriosoa ziurtasun gutxiko etorkizunaren aurrean.

Marta Hurtado

Marta Hurtado naiz, Business Developer Koma Groupen. Gasteizen jaio nintzen  baina Arrasaten hazi nintzen. Enpresa eta frantses filologia ikastea erabaki nuen eta horiek izan dira 2004az geroztik Koman egin dudan lanean garatu ditudan bi oinarriak. Koma Groupen hainbat arlotan garatu naiz, irakaskuntzatik hasi eta prestakuntza-zentroen zuzendaritzaraino. Pertsona komunikatibo eta alai gisa definitzen dut neure burua. Asko gustatzen zait bidaiatzea, hizkuntzak asko gustatzen zaizkit, eta oso harro nago enpresa honetako kide izateaz eta egunero bizitzako alderdi guztietan, maila pertsonalean zein profesionalean, beren onena ematen duten pertsonen talde handi bateko kide izateaz. Nire aisialdian, korrika egitea, mendi-ibiliak egitea eta Leniz haraneko mendi politetako airea arnastea gustatzen zait, eta zinema eta antzezpena maite ditut.

Ane Txakartegi

Ane Txakartegi

Itzultzailea eta Project Manager. Ondarroan jaioa eta Itzulpengintza eta Interpretazioan lizentziatua Euskal Herriko Unibertsitatearen Letren Fakultatean Gasteizen. Nire lehen hizkuntza Euskara da eta betidanik gustatu zaizkit hizkuntzak eta kultura desberdinak. Txikitatik, nire pasio handienetarikoa makillajea izan da. Denbora librea dudanean, gehien gustatzen zaidana egitea gehien maite dudan pertsonekin terrazan zerbait hartzea eta paseatzea da.

Federica Giustozzi

Business Developer Italia. Maceratakoa naiz, eta Atzerriko Hizkuntza eta Literaturetan lizentziatu nintzen. Atzerriko hizkuntzekin eta haien ikaskuntza-prozesuekin beti maiteminduta, ingelesez, frantsesez, espainieraz eta alemanez hitz egiten dut. Urteak eman nituen atzerrirako komertzial gisa, mundu osoko eta kultura desberdinetako pertsonekin harremanetan jartzen, eta testuinguru bakoitzera komunikazioa modulatzearen garrantzia aitortzen. Gauza guztiekiko jakin-mina sentitzen dut, liburuak gogo biziz irakurtzen ditut eta maite dudan guztian murgiltzen naiz.

Natascha Zowa

Sales Agent in Switzerland. KOMA SCHWEIZ – TICINO Lucernan jaio nintzen. Nire aita suitzar-alemaniarra da eta nire ama italiarra. Beraz, etxean beti izan ditut bi kultura eta hizkuntzekiko grina ere hortik datorkit. Eguzki premiak Locarnon (Ticino) kokatu ninduen bizitzen, bertan klima mediterraneokoagoa baita. Komertzial izateak pertsona askorekin hitz egiteko eta orotariko enpresen errealitatea ezagutzeko aukera ematen dit. Nire aisialdian antzinako altzariak eraberritu eta etxe zein festak apaintzen ditut. Zuricheko Arte Eskolan ikusi dut zeregin hori eta oraindik gozatu egiten dut horrekin. Mendi-bizikletan ibiltzen naiz eta naturan barna osteratxoak ematen ditut nire txakurrarekin.

sandra Ludwig

Sandra Ludwig

Recruiting Department. Alemaniaren hegoaldean jaio nintzen, eta han bizi naiz gaur egun, baina Espainian ere bizi izan naiz. Alemanez, gaztelaniaz eta ingelesez dakit. Gainera, aleman-irakasle gisa egiten dut lan, eta TELCeko aztertzailea naiz. Nire denbora librean, asko gustatzen zait munduan barrena bizkar-zorrarekin bidaiatzea, bai eta sukaldean aritzea ere.

Sonja Merlingen

Komalingua Italy Director. Salzburgon (Austria) jaio nintzen, eta filologian lizentziaduna naiz. Duela ia 20 urtez geroztik, Italian bizi naiz, eguzkia ezinbestekoa baita nire bizitzan. 2007 eta 2012 artean, aleman-irakurle gisa egin nuen lan Maceratako Unibertsitatean. Nire ikasleek alemanarekiko grina izan dezaten lortzea erronka profesional bat da; beti saiatzen naiz haiei erakusten hizkuntza hori, zalantzarik gabe, erronkaria dela, baina baita liluragarria ere. 2011tik, “Goethe Institut”-eko aztertzailea naiz A1-C1 mailetarako. Horrez gain, 2015ean, TELCeko azterketetarako aztertzaile-titulua lortu nuen. Komalingua Italiako zuzendaria naiz —2015ean hartu nuen proiektua nire gain—.

Nick Smith

Nick Smith

Head of studies, English teacher, translator & interpreter, Komalingua Civitanova. Italian bizi naiz duela 30 urtez geroztik, gutxi gorabehera, eta, azken 9 urteetan, Koman egin dut lan. Oso zorteko sentitzen naiz egiten dudana maitatzen jarraitzen dudalako. Irakasle gisa, bezero batek esaten didanean uler dezakeela zerbait berria ikasten ari den hizkuntzan edo egin ahal izan diela aurkezpen bat bezero atzerritarrei, ezin zoriontsuago sentitzen naiz. Interprete-lana oso pozgarria da, baina ez da beti erraza izaten. Terminologia ondo ezagutzea garrantzitsua da, baina baita parafraseatzeko gai izatea ere. Nire denbora librean, mota guztietako musika entzutea gustatzen zait, ondo idatzitako liburuak irakurtzea eta filmak ikustea.

Traductores e intérpretes
Itzultzaileak eta interpreteak
>500
Idiomas
Eskura dauden hizkuntzak
>100

Baduzu ideiarik? Gurekin elkarlanean jardun nahi duzu?

Martxan jarri nahi duzun proiektu edo ideiaren bat baduzu, ez izan zalantzarik gurekin harremanetan jartzeko eta zurekin batera lan egiteko poz-pozik egongo gara.

Eskatu aurrekontua